دل منی


دل منی لوٹ ات کسھے بیاران

دل منی لوٹ ات کسھے بیاران
پہ شما دوست و دلجمین یاران
ھچ مبو ھیران چہ دگنیاے کاران
صبر کتگ تو سیمسر و سالان
''''''''''''''''''''''''''''''''
حالے آتکگ چہ استونے گرندا
درپشناکین استارے سستگ پہ رندا
شادھی روچے آتکگ پہ گوش و کندا
ازگار و سرسبزین بلوچستانے رندا
سرباز، نسکنت و اشارے پد رندا
چہ پھرہ، چھبار و مشکہ بگر تاں سندا
کربان بباتان من پہ نوھانے بچکندا
'''''''''''''''''''''''''''''''''''
سک زانان کہ شما چہ گلا شادان ات
وھد و مدام چہ کندگا بے سار ات
چہ شما لوثان کے اے وڑا بات ات
شکرا چہ اللہ ے قدرتان دار ات
'''''''''''''''''''''''''''''''''
دل منی لوٹیت کسھے بیاران
پہ شما دوست و دلجمین یاران
من مدام وتی بابلے رھچاران
صباہ تاں حد بیگاھا چمچاران
وش کد و بالادین نوھانا بچاران
''''''''''''''''''''''''''''''''''
سدگنج مرچی چہ گلا بال انت
پہ اے داتگین بچ و کسان سالین
گل ھاتون چہ کندگا بار انت
کے پلے ماں لوگی آتکگ ڈولداوین
شاری گوشیت:
مدام سرسبز و شادان باتے
گون وتی ڈیل و بالاد سلامت باتے
''''''''''''''''''''''''''''''''''''
پری ناز روچے سد برا رہ چار این
کدی اے پلا و گلابا ماں دلا بدارین
چہ کراچی بگر تان سرباز، نسکنت و آشارا
لوگانی تھا کپتگ شور و شارا
ندر ببان من بی بی گوشیت ھین ودمانا
ھیرات پر تو واجہ گوشیت بار بارا
ماتی چہ گلا چوش کہ گلزارا
ماھکان کولیگ انت دم پہ سارا
'''''''''''''''''''''''''''''''''
ھر روچ و دمان شاد و کندان باتے
چہ ‏‏غم و اندوھان در امان باتے
سرسبز و منیران باتے گون بچا
زندے مرادان گون ھمراہ باتے
دادے وشوکین ھدا داتے

باھیان سربازی